Mwakilishi wadi wa Samburu/Chengoni John Shede amewataka viongozi pamoja na wakaazi eneo hilo kushirikiana na kuendeleza agenda za maendeleo.
Akizungumza eneo hilo Shede alisisitiza haja ya kuwepo kwa ushirikiano huo ili wananchi waweze kunufaika na miradi inayotekelezwa na viongozi mbali mbali katika kaunti hio. MCA huyo alipigia upato mambo yatakayomuinua mkaazi badala ya kuweka siasa na chuki.
”Tusindanganyane kwamba yule Diwani ama mbunge wala gavana si wangu,tutakuwa twachelewashana hapa hatuendi mahali watoto wataka kusoma kila mtu anataka kufaidika kwa hivyo tafadhali tuungane mkono.”Alisema Shede
Shede aidha aliweka wazi baadhi ya miradi ambayo inaendelea katika bunge la Seneti inayohitaji ushirikiano wa viongozi ili kuhakikisha miaradi hiyo inatekelezwa kwa manufaa ya mwananchi.
“Kuna miradi ambayo tuijadili bungeni je tukiwa na chuki hii miradi itatekelezwa kweli,tuwache siasa ndogo ndogo tushirikiane ili kufanikisha hii miradi.” Alisema Shede.