Wahisani watatu raia wa Kimarekani wanaofanya kazi na Shirika la kimataifa la Child Refuge Centre waliaga dunia kufuatia ajali mbaya ya barabarani katika barabara kuu ya Narok kuelekea hifadhi ya wanyama ya Maasai Mara karibu na uwanja wa ndege wa Eusonyiro.
Watatu hao waliokuwa wakiendesha gari la kubebea mizigo aina ya pickup wanadaiwa kutoka eneo la Narok West kabla ya gari lao kugongana ana kwa ana na lori la kusafirishia mizigo njiani wakielekea Naroosura ambako waliendesha miradi ya afya ya jamii.
Kulingana na Ripoti ya polisi kutoka afisi ya kamishna wa kaunti , wawili kati yao walikuwa na umri wa miaka 61 huku watatu akiwa na umri wa miaka 33.
Gari hata hivyo la wahisani hao lilipelekwa katika kituo cha polisi cha Narok wakati sehemu ya trela iliyohusika katika ajali na iliyokuwa na nabari ya kigeni ikisalia katika eneo la ajali.
Miili ya marehemu ilisafirishwa hadi hospitali ya Nairobi.