Mbunge wa likoni Mishi Mboko amemkashifu vikali naibu wa rais William Ruto akidai kuwa Ruto amekuwa mwenye kupinga kila maendeleo humu nchini.
Akizungumza hapa mombasa mbunge huyo amesema kuwa kama kweli Ruto angekuwa na maono ya kuendeleza uchumi pamoja na usawa wa jinsia basi hangekuwa katika mstari wa mbele kupinga juhudi za kubadilisha katiba ili kuzidi kuleta rasilimali mashinani.
Kiongozi huyo ameendelea kukashifu vikali mfumo wa bottoms up akidai kuwa ni wa kuregesha nyuma wakenya kwani kufikia sasa idadi kubwa ya vijana wameenda shule hivyo basi wanapaswa kupea ajira ifaao.
Amesema haya katika kongomano lilowaleta pamoja viongozi wa chama cha ODM katika kaunti ndogo ya Nyali kwenye ziara ya azimio la umoja ukiongozwa na kiongozi wa chama cha ODM raila odinga .
Huku hayo yakijiri baadhi ya wajumbe waliokongamana katika mkutano huo wameahidi kuungana kumtawaza Raila Odinga kuwa Rais wa tano wa taifa .
Wakiongozwa na mjumbe kutoka kaunti ndogoi ya Likoni Musa Mwanda wamesema lengo lao kuu ni kuimarisha ushikamano wa chama hicho
Aidha kulingana na katibu mkuuu wa chama hicho Edwin Sifuna chama cha ODM kiko imara hivyo fununu zinazodai kuwa chama hicho kinayumba sio za ukweli.
BY DAVID OTIENO