Hofu imetanda miongoni mwa wakazi katika Kijiji cha Kibandaongo eneobunge la Kinango kufuatia mauaji tata ya wanawake wawili.
Idara ya polisi imethibitisha kisa hicho cha kutamausha ambacho kimeripotiwa na Naibu Chifu wa eneo hilo kwamba miili ya wanawake wawili ilipatikana ikiwa na majeraha kadhaa.
Kamanda wa Polisi Kaunti ya Kwale Steven Ng’etich amebaini kuwa miili ya wanawake hao wa umri wa miaka 47 na 39 mtawalia ilikuwa imekatwakatwa sehemu za kichwa na pia mbavuni hali iliyotia hofu zaidi kwa wakazi.
Maafisa wa usalama wamezuru sehemu ya tukio na kufanya msako wa haraka na wakafanikiwa kupata kifaa kilichokuwa na damu,s imu za rununu 3, Shati moja la APS jungle T-shirt, pamoja na stakabadhi za KPA Mombasa zilizo na jina la (Douglas Nyaundi).
Aidha Ng’etich amewataka wakaazi kutoa ripoti ya aliyetekeleza mauaji hayo anayesemekana kutorokea mafichoni na hajapatikana kufikia sasa.
Miili ya wanawake hao imepelekwa katika Hifadhi ya maiti ya Hospitali ya Kinango ikitarajiwa kufanyiwa upasuaji kwa uchunguzi zaidi.
BY BINTIKHAMIS