Rais William Ruto amezitaka nchi zote ulimwenguni kutafuta njia mbadala za kutumia mifuko ya plastiki kama sehemu ya juhudi za kukabiliana na uchafuzi wa mazingira.
Rais Ruto aliwataka watengenezaji na wavumbuzi kufikiria upya bidhaa za plastiki na vifungashio ili kuakisi kanuni za kutumia tena, kujaza tena na kutengeneza.
Kulingana na Ruto kulikuwa na haja ya kuchunguza chaguzi mbadala kama vile zisizo za plastiki, plastiki mbadala na bidhaa za plastiki ambazo hazina athari mbaya za kimazingira, kiafya na kijamii.
“Ninawaalika wabunifu waje kuwekeza barani Afrika kwa sababu bara hili lina maliasili ambazo zinaweza kutumika kwa mbadala zinazofaa sayari,” alisema Dkt Ruto.
Hii, Rais Ruto alisema, ilikuwa fursa kwa tasnia mbadala za plastiki
barani Afrika kuwa viongozi wa soko na kukuza ukuaji wa uchumi na
mageuzi katika bara hili.
Rais Ruto alizungumza katika afisi ya Umoja wa Mataifa iliyoko Gigiri,
Nairobi, wakati wa ufunguzi wa kikao cha tatu cha kamati ya mazungumzo baina ya serikali kuhusu kukomesha uchafuzi wa plastiki. Wakati huo huo Kiongozi wa Nchi alisema ulimwengu unapaswa kuiga mfano wa Kenya kwa kupiga marufuku mifuko ya karatasi ya plastiki ili kukabiliana na uchafuzi wa mazingira.
Kwa upande wake Ruto, Kenya imedhihirisha kujitolea kwake kukomesha uchafuzi wa plastiki. Alisisitiza kuwa marufuku ya utengenezaji na utumiaji wa mifuko ya nailoni mwaka wa 2017 ilikuwa dhihirisho wazi kwamba Kenya ina nia ya kumaliza uchafuzi wa plastiki.
“Tulidhihirisha dhamira hii kwa kupiga marufuku utengenezaji na
utumiaji wa mifuko ya nailoni mwaka wa 2017, ikifuatiwa kwa karibu 2020 na marufuku ya matumizi moja ya plastiki katika maeneo yaliyohifadhiwa kama vile mbuga za kitaifa, misitu na fuo,” alisema Rais Ruto.
Kiongozi wa Nchi alibainisha zaidi kuwa mnamo Julai 2022, Kenya ilitunga Sheria ya Udhibiti Endelevu wa Taka ambayo ilifanya Kenya kuwa ya kwanza duniani kuweka bidhaa zote, ikiwa ni pamoja na plastiki, kwa Wajibu wa Wazalishaji.
“Tunajua hii haitoshi na tuko tayari kutekeleza jukumu letu katika
kutokomeza uchafuzi wa plastiki,” alisema Rais Ruto.
Rais pia alionyesha wasiwasi kwamba idadi ya uchafuzi wa plastiki inaelezea hitaji la kufanya kazi pamoja na kwa kusudi kubwa na uharaka. Alisema kila mwaka, zaidi ya tani milioni 400 za taka za plastiki huzalishwa duniani kote, akisema tani milioni 23 huingia kwenye mito,maziwa na bahari, na chini ya asilimia 10 hutumika tena.
Dkt Ruto alibainisha kuwa kote ulimwenguni, asilimia 46 ya taka za
plastiki hutupwa kwenye jaa, asilimia 22 hazidhibitiwi na kuwa takataka, huku asilimia 17 zimeteketezwa.
“Ikiwa tutashikilia taji zetu bila kufanya chochote, tutazalisha zaidi
ya tani bilioni za plastiki kufikia 2060,” Rais Ruto alisema.
Alisisitiza kuwa uchafuzi wa aina hiyo kwenye mazingira haukubaliki na utasababisha utowekaji wa uhai, wa binadamu na vinginevyo, duniani.
“Huu ni wakati wa kukomesha hili na nyinyi ndio wajadili
mtakaofanikisha hilo,” alisema.
Ili kukabiliana na uchafuzi wa plastiki, Rais Ruto alisema kuwa
ubinadamu lazima ubadilishe jinsi wanavyotumia, kuzalisha na kutupa takazao.
Mwenyekiti wa UNEP Amb Meza Cuadra hata hhivyo alisema uwajibikaji wa pamoja unasalia kuwa msingi wa suluhisho mbadala la matumizi ya mifuko ya plastiki.
“Lazima tushirikiane kutafuta njia mbadala za matumizi ya mifuko ya
plastiki ikiwa tutashughulikia tatizo la uchafuzi wa mazingira,”
akasema Bw Cuada.
Alisema mkutano wa Nairobi lazima ufanye maazimio madhubuti kutatua tatizo la matumizi ya mifuko ya plastiki kabla ya mwanzo wa 2024 kuhusu
suala hilo.
Mkurugenzi Mtendaji wa UNEP Inger Andersen alisema kuna haja ya kuwa na mbinu ya kina katika kukabiliana na tatizo la matumizi ya plastiki kutoka kwa bidhaa zake hadi kwenye vifungashio.
“Lazima tukumbatie ari ya ushirikiano ili kupata matokeo chanya ifikapo 2024,” alisema Bi Andersen.
BY EDITORIAL DESK